‘චැනල් ෆෝ‘ ශ්‍රී ලංකා විරෝධී ප‍්‍රචාරණ කටයුතු සිදුකරමින් සිටී
සඳුදා (14) ඇරඹෙන ජිනීවා මානව හිමිකම් කවුන්සිලයේ 30 වැනි සැසිවාරය ඉලක්ක කරගනිමින් කැලම් මැක්රේ ඇතුළු මෙම චිත‍්‍රපට නිෂ්පාදන කණ්ඩායම අදාළ ප‍්‍රචාරණ කටයුතු දියත්කර ඇතැයි ද මොවුන් විසින් ශ්‍රී ලංකාවට කෙටි චිත‍්‍රපටයක් නිපදවා ඇති අතර එය මේ වන විට ඉංග‍්‍රීසි, ස්පාඤ්ඤ, දෙමළ, සිංහල, ප‍්‍රංශ සහ හින්දි භාෂා වලටද හඬකවා අන්තර්ජාලයට මුදා හැර ඇතැයි පැවසේ.
යුද අපරාධ හා මානව හිමිකම් කඩවීම් සම්බන්ධයෙන් එක්සත් ජාතීන්ගේ විද්වත් කමිටුව පැවැත්වූ පරීක්ෂණයේ අවසන් වාර්තාව ජිනීවා මානව හිමිකම් කවුන්සිලයට ඉදිරිපත් කිරීම මේ මස 30 වැනිදා සිදු කෙරෙන හෙයින් ඔවුන් මෙලෙස ශ්‍රී ලංකා විරෝධී ප‍්‍රචාරණ ආරම්භ කර ඇති බව කියති.
ඉකුත් වසරේ මාර්තු මාසයේදී ජිනීවා මානව හිමකම් කවුන්සිලයේ 27 වැනි සැසිවාරයේ දී ලංකාවේ මෙරට පැවති යුද්ධයේදී සිදුවී ඇතැයි කියන මානව හිමිකම් කඩවීම් හා යුද අපරාධ සම්බන්ධයෙන් විනිවිද හා ස්වාධීන පරීක්ෂණයක් පැවැත්විය යුතු බවට ඇමෙරිකාව ප‍්‍රමුඛව එම කවුන්සිලයට ගෙන ආ යෝජනාව සම්බන්ධයෙන් ශ්‍රී ලංකා රජය දැරූ ස්ථාවරයට ඇමෙරිකාව සහාය දැක්වීමට ඉදිරිපත් වීම නිසා මානව හිමිකම් පිළිබඳ එක්සත් ජාතීන් මහකොමසාරිස්වරයා විසින් ශ්‍රී ලංකාවට එරෙහිව පරීක්ෂණ නොකැඳවනු ඇතැයි වාර්තා වීමත් සමඟ මෙම ශ්‍රී ලංකා විරෝධී ප‍්‍රචාරණ දියත් කෙරෙන බවද ජිනීවා ආරංචි සඳහන් කරයි.
‘චැනල් ෆෝ‘ ශ්‍රී ලංකා විරෝධී ප‍්‍රචාරණ කටයුතු සිදුකරමින් සිටී
Reviewed by Unknown
on
11:46 PM
Rating:
Reviewed by Unknown
on
11:46 PM
Rating:
