පශ්චාත් මැතිවරණ ප්රචණ්ඩක්රියා වැඩි සංඛ්යාවක් උතුරු - නැගෙනහිරින්
පශ්චාත් මැතිවරණ සමයේ පැමිණිලි 20ක් පොලීසියට වාර්තා වී ඇති බව පොලිස් මාධ්ය ප්රකාශක, සහකාර පොලිස් අධිකාරී රුවන් ගුණසේකර සඳහන් කළා. ඊට අදාළව සැකකරුවන් 21 දෙනෙකු අත්අඩංගුවට ගෙන තිබෙනවා.
මඩකලපුව - කාත්තන්කුඩි ප්රදේශයේදී ප්රධාන දේශපාලන පක්ෂ දෙකක ආධාරකරුවන් පිරිසක් අතර ඊයේ ඇති වූ ගැටුමකින් පුද්ගලයන් 4 දෙනෙකු තුවාල ලබා මඩකලපුව රෝහලට ඇතුළත් කර තිබෙනවා. එක්සත් ජනතා නිදහස් සන්ධානයෙන් ජාතික ලැයිස්තුව මගින් මන්ත්රීවරයෙකු ලෙස පත් කළ ඒ.එල්.එම්. හිස්බුල්ලාගේ ආධාරකරුවන් පිරිසක් සහ මුස්ලිම් කොංග්රසයේ දෙපිරිසක් අතරයි මෙම ගැටුම හටගෙන ඇත්තේ. ඒ.එල්.එම්. හිස්බුල්ලා ජාතික ලැයිස්තුවෙන් මන්ත්රීවරයෙකු ලෙස පත්වීම සමරමින් කාත්තන්කුඩි නගරයේ රතිඤ්ඤා පත්තු කළ පිරිසක් අතර මෙම ගැටුම ආරම්භ වී ඇති බව සදහන්. සිද්ධිය සම්බන්ධයෙන් මේ වන විට පොලීසියට පැමිණිලි 3ක් වාර්තා වී ඇති බවයි පොලිස් මාධ්ය ප්රකාශකවරයා සදහන් කළේ. ඊට අදාළව සැකකරුවන් තුන් දෙනෙකු අත්අඩංගුවට ගෙන තිබෙනවා.
මේ අතර, ඒ.එල්.එම්. හිස්බුල්ලා ජාතික ලැයිස්තුවෙන් පාර්ලිමේන්තු මන්ත්රීවරයෙකු ලෙස පත් කිරීමට විරෝධය පළ කරමින් අද උදෑසන ජනාධිපති කාර්යාලය ඉදිරිපිට විරෝධතාවක් පැවැත්වුණා. යහපාලනය සඳහා වූ ජාතික පෙරමුණ විසින් එම විරෝධතාවය සංවිධානය කර තිබුණා.
පශ්චාත් මැතිවරණ ප්රචණ්ඩක්රියා වැඩි සංඛ්යාවක් උතුරු - නැගෙනහිරින්
Reviewed by Unknown
on
9:43 PM
Rating:
Reviewed by Unknown
on
9:43 PM
Rating:
